Charla Primeiros auxilios

Viernes, 19 Septiembre 2014 14:55

Dende a Concellería de Servizos Sociais de Porto do Son anunciamos que o vindeiro martes 23 de setembro, ás 17:00 horas, terá lugar na Casa da Cultura de Porto do Son unha charla infomativa sobre primeiros auxilios, con especial atención aos nenos.

Nesta charla intervirán: Daniel Rey Aldana (especialista en medicina familiar e comunitaria no C.S. da Estrada), Sergiro Cinza Sanjurjo ( Dtor en Médicina, especialista en medicina familiar e comunitaria no C.S. de Porto do Son), Enrique Gestal Pereira (DUE no C.S. de Porto do Son).

A asistencia incial e inmediata nas urxencias e emerxencias sanitarias é algo que non só e competencia do persoal sanitario, xa que en determinadas circunstancias, unha atención inmediata e correcta pode marcar a diferencia no pronóstico do pacente. Por iso e fundamental que a cidadanía coñeza as bases para atender de forma correcta as emerxencias, tanto na idade adulta como na idade escolar.

En torno a este tema hai moitos mitos, algúns deles certos e outros non tanto, que intentaremos aclarar con esta charla dirixida a pais e persoal docente do colexio de Porto do Son. Falaremos dos sistemas de alarma e de asistencia ás emerxencias dispoñibles para todos os cidadáns (061, 112 urxencias do centro de saúde, etc), de cómo e cando se deben activar e que facer mentres a asistencia especializada non chega ao lugar do sinistro.

Abordaremos cuestións básicas sobre a parada cardiorrespiratoria, a obstrucción da vía aérea por atragantamento, feridas, hemorraxias, traumatismos, reaccións alérxicas e o manexo inmediato das convulsións.

Esta charla está especialmente indicada para nais e pais, así como para aquelas persoas que traballen con rapaces, como poden ser mestres ou monitores, para que así saiban como actuar no caso de emerxencia. Intentaremos aclarar as dúbidas dos asistentes sobre estes temas e esperamos que sexa do interesse de todos os asistentes.